அமேஜானின் கின்டில் இ-புக்கில் தமிழ் புத்தங்கள் படிக்க சிக்கல்

[venkat8]

Originally Posted by mayakrishnan

ஒரு வருடம் கழித்து தான் வருகிறோம் என தெரிந்து தான் அந்தப் பதிவினை எழுதினேன். நான் தேடிய போது அமெசானில் கிண்டில் வெர்சன் தமிழ் புத்தகங்கள் எதுவும் பார்த்த மாதிரி நினைவில்லை. நல்ல புத்தகமாக இருந்தால் நாங்களும் காசு கொடுத்து வாங்க ரெடி தான்

சென்ற வருடம் நண்பர் போத்தன் ராஜா கேள்வி எழுப்பியபொழுது இருந்த பிரச்சினை தற்பொழுது அவ்வளவாக இல்லை. அமேசானின் இந்திய தளத்தில் தமிழ் இபுக் கிண்டில் வர்ஷன் என்று போட்டால் நிறைய வந்து கொட்டும்.

Originally Posted by mayakrishnan

அந்த மாதிரி அடிப்படை அறிவு கூட இல்லாதவன் அல்ல நான். நான் தேடும் புத்தகமெல்லாம் இலவசமாக வேண்டும் என்றே சொல்லவில்லை.

ஸாரி நண்பா! நான் கூறியதை ஏதோ தவறாக புரிந்துக்கொண்டீர்கள் என்று எண்ணுகிறேன். இலவசமாக புத்தகம் கிடைக்கும் தளத்தில் நாம் தேடும் புத்தகம் கிடைக்காது என்றேன். இலவசமாக புத்தகங்களை தேடுபவர்களை தவறாக கூறவில்லை. வேறோரு திரியில் சுஜாதாவின் கரையெல்லாம் செண்பகப்பூ நாவலின் இபுத்தகத்தின் பிடிஎஃப் வடிவம் வேறு யாரிடமாவது இருந்தால் தாருங்கள் என்று நானும் கேட்டிருக்கிறேன்.

Originally Posted by mayakrishnan

நானும் இதனை முன்பே காலிபர் மூலம் செய்து பார்த்து 'கையை வளைத்து மூக்கைத் தொடுவதில்' சலித்து தான் பின்னூட்டத்தினை எழுதினேன்

இந்த திரியின் சொந்தக்காரர் போத்தன் ராஜா கூறியது போல் ஆரம்பத்தில் அதில் சிரமம் இருந்தது. எப்படி மாற்றினாலும் தமிழ் எழுத்துருவில் குளறுபடி இருந்தது. இப்பொழுது அந்த பிரச்சினை இல்லை.

Originally Posted by mayakrishnan

நான் கேட்பது என்னவென்றால் இத்தனை விளம்பரங்கள் தமிழகத்தில் செய்யும் ஒரு நிறுவனம் தமிழில் புத்தகங்களைப் படிப்பதை எளிதாக்கியிருக்க வேண்டுமா? வேண்டாமா?

தங்களின் ஆதங்கம் புரிகிறது. கிண்டில் ஆரம்பித்த பொழுது அதற்கான ஆங்கில புத்தங்கள் உடனே கிடைத்தன. கிண்டிலை அவர்கள் மார்க்கெட்டில் விட்டதே கிண்டில் வர்ஷனில் புத்தங்களை விற்பதற்காகத்தான். இந்தியாவில் இவர்களின் ஆரம்பகால டார்கெட் ஆங்கிலம் படித்தவர்கள் மட்டுமே. பிறகு வர்த்தகத்தினை விரிவுப்படுத்த மற்ற மொழிப்புத்தங்களையும் கிண்டில் வர்ஷனில் விற்க ஆரம்பித்தனர். தமிழை விட ஹிந்தியில் கிண்டில் வர்ஷன் புத்தகங்களை ஏராளமாக விற்கின்றனர். காரணம் ஹிந்தி மார்கெட் தமிழை விட அதிகம். விரைவில் தமிழ்ப்புத்தங்களின் எண்ணிக்கை இன்னும் அதிகமாகலாம். எவ்வளவு அதிகமானாலும் கிண்டிலை அதிகம் உபயோகிப்பவர்கள் ஆங்கில புத்தக விரும்பிகளே! பிடிஎஃப் வர்ஷனை நேரடியாக கிண்டிலில் படிக்கும் வசதியை அவர்கள் செய்ய மாட்டார்கள். அப்படி செய்தால் பிறகு கிண்டில் வர்ஷன் புத்தகங்களில் கிடைக்கும் வருவாய் நின்றுவிடும்.

இங்கு ஐபேட் வந்த பிறகும் இங்கு கிண்டிலின் பயண்பாடு குறையவில்லை. காரணம் அதன் பேட்டரி லைஃப் மற்றும் இருட்டிலும் ஒளியிலும் சிறப்பாக தோன்றும் எழுத்துரு. மேலும் புத்தகம் படிப்பவர்கள் புத்தகத்திற்கு மாற்றாகவே கிண்டிலை கருதுகின்றனர். ஐபேட் மற்றும் டேப்ளட்டினை நோண்டுபவர்கள் பெரும்பாலும் புத்தக விரும்பிகள் அல்ல.

[mayakrishnan]

Originally Posted by venkat8

ஸாரி நண்பா! நான் கூறியதை ஏதோ தவறாக புரிந்துக்கொண்டீர்கள் என்று எண்ணுகிறேன். இலவசமாக புத்தகம் கிடைக்கும் தளத்தில் நாம் தேடும் புத்தகம் கிடைக்காது என்றேன். இலவசமாக புத்தகங்களை தேடுபவர்களை தவறாக கூறவில்லை.

ஸாரி நண்பா! அன்று எதோ ஒரு மன உளைச்சலில் இருந்தேன். வேறு எதோ கோபம். உங்களுடைய பதிலுக்குப் பதில் எழுதும் போது பொசுக் பொசுக் என தேவையற்ற வார்த்தைகளை எழுதி விட்டேன். தயவு செய்து என்னை மன்னியுங்கள்.

Originally Posted by venkat8

சென்ற வருடம் நண்பர் போத்தன் ராஜா கேள்வி எழுப்பியபொழுது இருந்த பிரச்சினை தற்பொழுது அவ்வளவாக இல்லை. அமேசானின் இந்திய தளத்தில் தமிழ் இபுக் கிண்டில் வர்ஷன் என்று போட்டால் நிறைய வந்து கொட்டும்.

இல்லைங்க! நான் அமெசானின் இந்திய தளத்தில் மீண்டும் இன்று உட்கார்ந்து தேடினேன். மிக சொற்பமான மின்னூல்களே தமிழில் அத்தளத்தில் இருக்கின்றன. ஆனால் பேப்பர் பேக் தமிழ் புத்தகங்கள் நிறைய இருக்கின்றன. அதாவது ஆர்டர் கொடுத்தால் வீட்டிற்கு புத்தகம் வரும். இபுத்தகம் குறித்து நான் தேடியதில் ஏதேனும் குறை இருக்கிறதா? ஒருவேளை நீங்கள் பேப்பர் பேக் புத்தகங்களை மின்னூல்கள் என கணக்கில் கொண்டீர்களா? உண்மையிலே தமிழில் நிறைய மின்னூல்கள் அங்கே கிடைக்கின்றன என்றால் மிகவும் சந்தோஷமே! எனக்குத் தனிமடலில் சுட்டி அனுப்புங்கள் ப்ளீஸ்!

அப்புறம் தமிழில் இருந்த மின்னூல் ஒன்றினை பதிவிறக்கி ஆண்டிராய்ட் கிண்டில் ஆப்பில் திறந்த போது அது சரியாக இருந்தது. ஆனாலும் பொருளடக்கம் பகுதியில் எழுத்துருக்கள் இடம் மாறி பல்லிளித்தன.

http://freetamilebooks.com/ தளத்தில் கிடைக்கும் மின்னூலை (கிண்டில் வெர்ஷன் என அவர்கள் சொன்ன பிரதி) ஆண்டிராயிட் கிண்டில் ஆப்பில் திறந்த போது மொத்தமாய் எழுத்துருக்கள் படிக்கும் தரத்திலே இல்லை.

Originally Posted by venkat8

பிடிஎஃப் வர்ஷனை நேரடியாக கிண்டிலில் படிக்கும் வசதியை அவர்கள் செய்ய மாட்டார்கள். அப்படி செய்தால் பிறகு கிண்டில் வர்ஷன் புத்தகங்களில் கிடைக்கும் வருவாய் நின்றுவிடும்.

பிடிஎப் மற்றும் நாம் வேறு தளங்களில் பதிவிறக்கும் மின்னூல்கள் ஆகியவற்றை இமெயிலில் டாக் அனுப்பும் வசதி மூலம் கிண்டிலில் ஏற்றி வாசிக்கலாம். மின்னூல்கள் உட்பட மற்ற ஃபைல்கள் அவ்வாறு கிண்டிலுக்கு ஏற்றி கொள்ளலாம்.

தமிழ் புத்தகங்களை பிடிஎஃப்-பாக தான் கிண்டிலில் வாசிக்கிறேன்.

மீண்டும் ஏதேனும் முந்தி வந்த பதிப்பால் மன உளைச்சலுக்கு ஆளாகி இருந்தால் மன்னித்து கொள்ளுங்கள். மீண்டும் அது பற்றி நாம் பேசி கொள்ள வேண்டாம்.

லோகத்தில் இருக்கும் டெக்னாலஜி ஜாம்பவான்களே, இந்தக் கிண்டில் பிரச்சனைப் பற்றி சொல்லுங்களேன்!!!

[eros]

Originally Posted by mayakrishnan

நான் கேட்பது என்னவென்றால் இத்தனை விளம்பரங்கள் தமிழகத்தில் செய்யும் ஒரு நிறுவனம் தமிழில் புத்தகங்களைப் படிப்பதை எளிதாக்கியிருக்க வேண்டுமா? வேண்டாமா?

அதுமட்டுமல்ல... இன்னும் பல விதமான எழுத்துருக்களுக்கும் மாற்றிக்கொள்ளும் வசதி செய்து தரவேண்டும். செய்வார்களா என்று தெரியவில்லை.

[vjagan]

மிகவும் பயனுள்ள திரியை ஆரமபித்து வைத்த நண்பருக்கும் மிகவும் பயனுள்ள தகவல்களை வெளியிட்ட அனபர்களுக்கும் நெஞ்சார்ந்த நன்றியுடன் பாராட்டுக்களை தெரிவிஅய்யா அம்மணி !

[tamilplus]

கிண்டில் வைத்திருந்த நண்பர் ஒருவர் சும்மா பார்த்துட்டு கொடுங்க என்று சொன்னதால் அதை உபயோகித்து பார்த்தபோது . தள நண்பர்கள் சொன்ன எல்லா பிரச்சினைகளும் இருந்தது. சில பிரச்சினைகள் சரி செய்யப்பட்டு விட்டன என்றாலும்,எனக்கு ஒரு நல்ல புத்தகத்தை கையில் எடுத்து சென்று தேவையானபோது படிக்கும் சுதந்திர உணர்வை கிண்டில் தரவில்லைஎன்பதை பதிவு செய்கிறேன்.